Síðan hennar Magneu

Pissað í koppinn

2006-10-13T13:27:00.000Z

Halló

Eyrún mín pissaði í koppinn í morgun, mér til mikillar ánægju. Við erum búnar að eyða svo miklum tíma í að sitja á koppnum og ekkert komið. Svo hefur hún hlaupið fram og... Pissað, ekki í koppinn. Það hefur bara ekkert farið í klósettið né koppinn frá því hún pissaði í klósettið á páskadagsmorgun, 16. apríl s.l.

Enn í morgun kom hún uppí til mín og ég fann að það var ekkert komið í bleyjuna og því stakk ég upp á því að við færum inn á kósett að pissa. Hún var til í það svo lengi sem hún mætti taka með bók, skrítið :)
Hún var ekki búin að sitja lengi þegar hún setur upp stór augu og við heyrum bununa buna í koppinn og ekkert smá, bara öll morgunbunan. Hún var svo stolt og ánægð og mamma hennar líka. Ég vona innilega að hún sé nú að fara hætta þessu bleyjuveseni.

Svo fór hún syngjandi kát í leikskólann :)

Bestu kveðjur
Magnea

Mamma á afmæli í dag :)

2006-10-05T10:03:00.000Z

Halló

Mamma mín á afmæli í dag, innilega til hamingju með daginn elsku mamma.

Svo átti Silla vinkona afmæli í fyrradag (2. okt) og við segjum ekki upphátt hvað hún varð gömul ;)

Dóttir mín lagði hressilega inn á þolinmæðisbankareikninginn sinn í gær. Hún er komin með nýtt uppáhaldslag, lagið um fingurna.

Vísifingur, vísifingur hvar ert þú.
Hér er ég, hér er ég,
góðan daginn daginn daginn.

Langatöng, langatöng hvar ert þú.
Hér er ég, hér er ég,
góðan daginn daginn daginn.

Ég var að skipta á henni og klæða hana og við sungum saman voða gaman. Svo var hún tilbúin og ég sagði við hana að fara fram til pabba og syngja fyrir hann og hún hljóp fram. Vísitöng, vísitöng .....

Alveg dásamleg :)

Komin heim aftur

2006-10-03T14:25:00.000Z

Þá er ég komin heim aftur og er óskaplega syfjuð þessa daganna. Enn það hlýtur að lagast.

Það var óskaplega gaman úti, gaman að þvælast um í kringum Minneapolis sjá Bandaríska sveit og smá bæi. Alveg eins og í bíómyndunum. Við keyrðum um í 3 daga og fórum í nokkrar skrappbúðir sem voru flestar mjög skemmtilegar og mikið úrval. En ég stóðst margar freistingar og keypti bara fullt, enn ekki rosalega mikið ;)
Á milli skrappbúða fórum við líka í svona stórar búðir eins og Wallmart og K-Mart og þar var líka hægt að gera góð kaup.

Einnig var smá tíma eytt í Moll of Amerika sem mér fannst óskaplega skemmtilegt. Vel upp sett og margar skemmtilegar búðir. Ég þarf nauðsynlega að koma þangað aftur og þá helst með mömmu og Sillu sem eiga það sameiginlegt með mér að finnast gaman að labba í búðum. Einnig fórum við í Outlet í Albertville sem var mjög stórt og flott samsafn af fínum búðum sem voru að selja vörur á niðursettu verði. Ég gerði mjög góð kaup þarna t.d. í Sketser og Ecco voða gaman.

Ég hafði heyrt áður en ég fór að allt er stórt í USA. Það á mjög vel við skammtastærðirnar hjá þeim. Hver skammtur dugar fyrir tvo enn við föttuðum það aldrei að panta saman einn rétt. Fórum frekar að kaupa forrétt og eftirrétt og sleppa aðalrétti og það passaði vel :) Enn maturinn var líka nokkuð góður.

Hótelið var fínt og félagskapurinn góður. Við Jóna og Bubba höfðum það voða notalegt í okkar herbergi, nær aldrei kveikt á sjónvarpi, heldur eyddum við kvöldunum í að spjalla og skoða það sem við keyptum. Fjarlægja umbúðir og raða skrappdóti í box, rúllu upp borðum og tæta í sundur silkiblóm. Við erum ekkert miklir nördar nei nei

Ef ég kemst í tölvuna heima í kvöld þá skelli ég inn myndum.

Þangað til síðar
Bestu kveðjur
Magnea

Kvedja fra Minneapolis :)

2006-09-29T04:32:00.000Z

Hallo

Eg hef tad mjog svo gott herna i Minneapolis og skemmti mer konunglega. Vedrid hefur verid gott, baedi sol og lika rigning og trumuvedur en tad var allt i lagi tvi ta vorum vid bara i bilnum ad keyra.

Tad er buid ad skoda mikid skrapp og kaupa sma. Og sidan slatta af fotum og sliku.
'A morgun er svo Workshop og skrapp mania 'i fondurbudinni i Mollinu.

'Eg var bara ad uppgvota tessar tolvur adan og tvi setti eg inn sma, kem kannski aftur a morgun.

tar til sidar
Bestu kvedjur
Magnea

Elmar og Eyrún í ágúst 2006.

2006-09-22T22:41:00.000Z

Eyrún í gær, 21. sept 06

2006-09-22T22:11:00.000Z

Jæja komin tími til

2006-09-22T09:48:00.000Z

Halló

Eftir mikinn þrýsting frá sumum ;) þá Ákvað ég að reyna taka aftur upp skrif.

Eyrún mín syngur mikið núna, voða gaman og talar alveg fullt. Elmar byrjaður í skólanum á fullu og körfuboltanum. En núna þarf ég að rjúka og versla fyrir október fest sem verður í vinnunni í dag, ég bæti aftur við síðar í dag.

Eyrún að syngja með mömmu :)

2006-05-30T13:13:00.000Z

Eyrún kom mömmu sinni mjög á óvart í gærkvöldi þegar hún var að fara sofa. Eins og venjulega pantaði hún söng frá mömmu (sú eina sem vill hlusta) og fyrst var pantað "dúkkan" og bara hlustað og svo koma Ava (vísur um afa sem fer á honum rauð, og býr á bakka þar sem hvít fiðrildi fljúga og sigga litla systir mjólkar ánna sína).

Svo tók ég Aridúadúadei, lagið um hann Jörund hundadagakonung og þá tók Eyrún undir fór að syngja með, alveg "deeiii" og trallað á milli. Mamman fékk bara tár í augun af stolti og svo var dúkkan pöntuð aftur og þar var líka trallað með og hún búin að læra nokkur orð í textanum.

Þannig að þetta kvöld lagði hún hressilega inn í þolinmæðisbankann.

Bestu kveðjur frá stoltri mömmu
Magnea

Eyrún litla lasin :/

2006-05-27T15:13:00.000Z

Eyrún vaknaði um ellefu leitið gærkveldi og var komin með fullt af hita, um 39 gráður. Og það gekk illa að sofna aftur, sofnaði ekki fyrr en ég gaf henni stíl og svo svaf hún bara í fanginu á mömmu litla greyið.

Elmar mátti flýja úr pabbaholu til að fá svefnfrið og það gerði hann án þess að kvarta hann er svo þolinmóður og góður :)

Skemmtilegri fréttir af Haraldi, þeir ætla að leggja í hann yfir hafið á morgun, eru núna á leiðinni til Belfast og verða komnir þangað í fyrramálið og þá er bara versla orku fyrir bát og mannskap og leggja í hann :)

Bestu kveðjur
Magnea

Pabba ?

2006-05-26T09:24:00.000Z

Það lítil dama sem sat á rúminu mínu í gærkveldi og horfði á mig stórum augum og sagði í spurnartón: pabba. Hann átti sem sagt að svæfa hana núna. Hún er ekkert að skilja afhverju pabbi er ekki á svæðinu. Ég er að segja við hana að pabbi er að sigla og komi heim bráðum en ég veit ekki hvort hún skilji mig :/ Tvær og hálf vika er langur tími þegar maður er tæplega tveggja ára.

En við vonum að það fari nú að styttast í að hann komi heim. Þeir eru á siglingu á Írlandshafi og ætla að reyna koma sér á góðan stað til að halda af stað frá yfir Atlandshafið, Dublin eða Belfast.

Bestu kveðjur
Magnea

Eyrún byrjuð á leikskóla.

2006-05-24T14:40:00.000Z

Eyrún byrjaði í leikskólanum síðasta mánudag. Þá fórum við í heimsókn í rúman klukkutíma og það var voða gaman. Annan daginn fórum við og ég skildi hana eftir í um klukkutíma. Hún var voða kát og sagði bless og allt.

Enn þegar ég kom aftur klukkustund síðar var hún hágrátandi. Hún hafði lent í árekstri við einn dreng í orðins fyllstu merkingu. Þau komu hlaupandi og lentu á hvort öðru og duttu á bossann :)
Það fyllti mælinn og það var bara grátið, en ég kom rétt í þessu og þá gat hún grátið hressilega í fanginu á mömmu og dregið hana út með ekkasogum.

Í morgun fórum við um hálf níu og hún fékk morgunmat og þegar hún var búin ætlaði ég að fá að fara. NEI það var ekki í lagi, þannig að ég settist aðeins hjá henni og hún byrjaði að leika. Svo kvaddi ég hana og hún náttúrulega fór að gráta, enn ég fór samt, snuff snuff.

Enn gráturinn entist bara í um 3 mín og svo var voða gaman. Þegar Eyrún amma átti að koma og sækja hana um klukkan 11 var hún bara í miklu stuði út að leika og leikskólakennarinn hún Ólafía, hringdi bara í ömmu og benti henni á að koma ekki fyrr en klukka tólf og Eyrún fékk að borða hádegismat á leikskólanum líka.

Þannig að á föstudaginn mun hún vera frá átta um morguninn fram yfir hádegis, taka hvíldinna líka :)

Fréttir af Haraldi eru aðallega á síðunni þeirra, sjá tengil hér við hliðina. En þeir eru komnir yfir Ermasundið til England.

Bestu kveðjur
Magnea

Húrra fyrir Finnum :)

2006-05-20T22:18:00.000Z

Við Elmar erum óskaplega kát með að Finnar skyldu vinna júróvision :)

Annars gengur lífið hér ágætlega en við söknum nú samt Haraldar. Þeir eru fastir á Frakklandi vegna veður.

Eyrún sýnir alveg greinileg merki um að það vantar pabba, er ergilegri og á erfitt með að sofna á kvöldin greyið litla. Á mánudaginn byrjar hún í aðlögun á leikskólanum og er því hætt hjá Lilju dagmömmu þannig að það eru miklar breytingar hjá henni.

Bestu kveðjur
Magnea

Eyja litla

2006-05-12T22:33:00.000Z

Eyja litla á leiðinni heim af spítalanum

Komin heim í vögguna sína :)

Grasekkjan

2006-05-12T13:43:00.000Z

Hæhæ
Núna er ég orðin grasekkja og verð það í nokkrar vikur. Ég er búin að komast að því að ég er fordekruð húsfrú. Haraldur hefur hugsað svo mikið um dömuna og ég þá hugsað um annað, t.d. að versla, elda matinn og svo náttúrulega hugsað um Elmar minn. Núna þarf ég að gera þetta allt saman og hugsa um dömuna.
Það getur verið nokkuð strembið að reyna elda mat og tjónka við Eyrúnu Dollsckhí eftir vinnu. Hún vill sína athygli og á þessum tíma þegar hún er svöng og þreytt á hún ekki til mikla þolinmæði og heldur ekki mamma hennar þegar hún líka þreytt og svöng.

Svo var munnurinn á Eyrúnu eitthvað að ergja hana, tennur að koma og munnangur þannig að hún hefur verið óvær á kvöldin, mjög skemmtilegt. Enn hún er öll að hressast og svaf vel í gærkveldi og nótt. Og ég þakka því að mínir elskulegu foreldra komu í heimsókn um kvöldmatarleytið og komu við í apótekinu á leiðinni með deyfikrem í munninn :)

Nú er Haraldur búin að vera í burtu í nærri 5 daga og ekki enn lagður af stað :( Enn vonandi rætist úr því um helgina og þá ætla þeir að taka stefnuna styðstu leið heim eða nærri því.

Við eignuðumst litla fræknu 1. maí síðastliðinn. Ingibjörg systir Haraldar eignaðist dóttur sem fengið hefur nafnið Eyja. Hún var stór og stæðileg og dafnar vel. Ég hef enn ekki tekið myndir af henni :/ gleymi alltaf myndavélinni enn Valli gaf mér disk með myndum til að setja hér inn og ég gleymdi honum heima. Þar er geisladrifið á tölvunni bilað og ég get bara skoðað þær hérna í vinnunni þannig að engar myndir fyrr en eftir helgi.

Meira síðar
Bestu kveðjur
Magnea

Enn meira skrúbb :)

2006-05-07T20:04:00.000Z

Meira skrúbb

2006-05-07T20:03:00.000Z

Skrúbba, skúra, bóna!

2006-05-07T19:55:00.000Z

Í dag fórum við Eyrún út að þvo glugga og garðhúsgögnin. Taka mestu óhreinindin eftir veturinn. Hún náði að bleyta sig vel og vandlega TVISVAR. Fyrst var hún úti á stuttermabol og pæjaskóm og það tók smá tíma að blotna vel en að lokum var hún orðin nokkuð köld svo hún var tekin inn við mikil mótmæli en kom fljótt út aftur í pollabuxum og stígvélum og Haraldur var nokkuð viss um að það myndi duga. JE not.

Hún náði að sprauta með slöngunni ofan í buxurnar, og svo heyrðist bara "blautts blautt"

Eyrún er nú líka sæt, ný komin úr baði :)

2006-05-07T19:33:00.000Z

Það er líka voða gaman að standa á stólnum ;)

Sætasti strákurinn!

2006-05-07T19:29:00.000Z

Elmar í klippingu

2006-05-07T19:24:00.000Z

Elmar fór í klippingu síðasta miðvikudag hjá Árna og skemmti sér voða vel. Árni er nefnilega besti klipparinn í bænum ;)

Tíminn flýgur áfram

2006-04-27T14:46:00.000Z

Tíminn flýgur áfram þessa daganna, það er bara eitthvað svo mikið að gera en ég veit ekki hvað það er. Allaveganna finn ég aldrei tíma til að posta eitthvað hérna inn. Það er líka lítið að frétta og það styttist óðfluga í brottför hjá Haraldi sjá .

Svo bíð ég spennt eftir að eignast litla frænku (líklegra)eða frænda. Ingibjörg systir Haraldar er komin 6 daga framyfir ;)

Ég set eitthvað meira þegar ég hef eitthvað að skrifa og svo þegar ég finn tíma á kvöldin heima þá kannski næ ég að setja inn myndir :)

Bestu kveðjur
Magnea

Ég hef verið "memed" hvað sem það nú þýðir?

2006-04-19T08:45:00.000Z

Ég hef verið memed !

Vinkona mín hún Svava síbrotakona memdi mig, eitthvað sem gengur á milli bloggara og gengur út á það að allir svari einhverjum spurningum svo ég varð náttúrulega að svara :)

First town I ever lived in: Fædd og uppalin í Reykjavík og hef búið þar alla tíð fyrir utan smá tíma í Garðabæ.

First album owned: Fyrsta platan? hummm man fyrst eftir plötu með Hönnu Maríu og reyndar líka Ruth Reginals, man ekki hvor kom á undan.

First gig seen: Fyrstu tónleikarnir voru tveggja kvölda tónleikar 16 og 17 Júní 1986 og það voru 4 hljómsveitir sem spiluðu, Madness, Fine young Cannibals, Simple Red og ? get ómögulega munað það, ég laga þetta ef það kemur.

First Celebrity Crush: ??? John Travolta í Grease var æðislegur og síðan George Michael og Andrew Rigley í Wham.

First Film you remember seeing: Fyrst bíómyndin sem ég man eftir var "Maðurinn sem minnkaði", hún festist rækilega í kollinum.

First time you drank alcohol: Útilega á Þingvöllum með Andreu vinkonu minni og Þórunni. Við urðum mjög drukknar bæði kvöldin og áttu samt nærri helminginn eftir af "Kripplinginum"* okkar sem við drukkum saman. *(kripplingur = hálf flaska af íslensku brennivíni) Ímyndunarfyllerí á háu stigi.

First paying job: Sveitastörf hjá ömmu í sveitinni. En 14. ára byrjaði ég að vinna í Hampiðjunni.

First Kiss: ? 8-10 ára þegar ég kyssti hann Begga, sem mér fannst sætasti strákurinn í skólanum.

Jæja svo á ég víst að memea einhvern, EEEnnnnnnn ég vil það ekki svo ég sleppi því ;)

Eyrún pissaði í klósettið í fyrsta sinn :)

2006-04-16T12:30:00.000Z

Merkilegur áfangi að mati foreldranna í morgun! Hún var búin að pissa þegar við fórum framúr þannig að ég tók bleyjuna af henni og setti hana í fallegar nærbuxur og sleppti bleyjunni. Og sagði svo við hana að hún yrði að láta mömmu vita ef hún þyrfti að pissa.
Svo hófust hefðbundið störf á páskadagsmorgun, borða páskaegg og meira páskaegg. Hún borðaði töluvert meira af sínu er stóri bróðir. En þegar nóg var komið af súkkulaðinu þá fóru systkinin inn í stofu að horfa á sjónvarpið.
Allt í einu varð allt ómögulegt og hún brölti úr stólnum og ég spurði þá hvort hún þyrfti að pissa. Hún samþykkti það og hljóp með mér inn á klósett og settist á klósettið og það kom bara þessa fína buna beint í klósettið og ég var að springa úr stolti eins og mömmur gera við þessa aðstæður :)
Hún var óskaplega ánægð með þetta allt saman og hélt áfram að vera bleyjulaus í fínum nærbuxum :)

Ég set inn myndir af súkkulaðiátinu seinna í dag ;)
þar til síðar
Bestu kveðjur og gleðilega páska
Stolta mamman

Elmar á það til að setja um skrýtna svipi!

2006-04-15T12:23:00.000Z

Eyrún í nýja "herberginu" sínu.

2006-04-15T12:08:00.000Z

Við vorum að koma Eyrúnu betur fyrir í herberginu hjá okkur og útbjuggum smá horn fyrir hana. Hún hefur núna pláss fyrir bækurnar sínar og dótið sitt og getur leikið þarna líka. Hún á eftir að fá betri mottu við rúmið svo það sé notalegra að sitja þarna og leika.
Enn hún er voða kát með þetta allt saman :)

Bestu kveðjur
Magnea

Haraldur gáfaði

2006-04-15T11:55:00.000Z

Hann Haraldur minn er svo klár, hann lærði bara á þetta blog dót og lagaði síðuna mína. Nú er hún voða fín á íslensku og með gestabók og allt :)
Svo endilega skrifa í gestabókina ;)

Bestu kveðjur
Magnea

Eyrún í nýja rúminu sínu :)

2006-04-14T12:33:00.000Z

Við Eyrún fengu í afmælisgjöf frá Eyrúnu ömmu og Gumma afa nýtt rúm fyrir prinsessuna. Voða fínt rúm sem hægt er að stækka. Elmar og Haraldur settu það saman í gærkveldi og hún gat því sofið í því síðustu nótt.
Hún var mjög spennt að leggjast í það og alveg til í að fara sofa þarna. Var með það alveg á hreinu að þetta væri hennar rúm. Hún svaf ágætlega held ég og datt ekkert framúr. Ég var reyndar svolítið á vaktinni í nótt rumskaði við nærri hverja hreyfingu hjá henni. Hún virtist kortleggja rúmið nokkuð vel í nótt. Ég sá hana liggja á alla kannta, þvers og kruss án þess að detta fram úr.

Þar til síðar
bestu kveðjur
Magnea

Já ég er góður kokkur að verða enn betri

2006-04-11T16:19:00.000Z

You Are a Learning Cook

You've got the makings of an excellent cook, and the desire to be one.But right now, you're just lacking the experience. You couldn't be a top chef yet, but you could be an apprentice.

Are You A Good Cook?

http://www.blogthings.com/areyouagoodcookquiz/

Skrítinn dagur.

2006-04-11T15:43:00.000Z

Þetta er búin að vera frekar skrítinn dagur, hann byrjaði mjög snemma þegar ég fór á fætur rúmlega 3 í nótt til að sækja mömmu og pabba á flugvöllinn. Þau voru búin að vera í tvær vikur á Kúbu og skemmtu sér mjög vel.
Ég kom heim rúmlega 6 og lagði mig í klukkustund. Svo fór ég í sýnatökur á Rauðavatni og Reynisvatni og mikið var kalt úti, brirrrrrr úffff. Tærnar mínar voru svo frostnar og það var svo vont þegar ég reyndi að þýða þær í sturtunni.
En eftir hressandi sturtu dreif ég mig niður í vinnu til að vera á 2 klukkustunda löngum deildarfundi :(
Enn Anna Rósa bjargaði honum þegar hún stökk allt í einu fram á miðjum fundi og kom til baka með súkkulaði sem allir voru meira en til í að borða. Það stukku allir til á kassann og hann tæmdist mjög hratt ;)

Nú er stefnan tekin heim því mamma og pabbi ætla að kíkja í heimsókn til að hitta krúttin mín, svo ætla ég að fara að skrappa í kvöld. Ég er nokkuð viss um að mér verði ekkert úr verki og hlægi þeim mun meira í svefngalsa :)

þar til seinna...
bestu kveðjur
Magnea

Elmar minn á leiðinni í afmæli.

2006-04-11T15:40:00.000Z

Elmar var svo fínn á leiðinni í afmæli að ég varð að fá að taka mynd :)

Auðvitað þurfti litla systir að troða sér með inn á myndina ;)

Alltaf jafn gaman að borða!

2006-04-11T15:36:00.000Z

Það er svo gaman að borða. Þarna er hún búin að borða skyr með öllu andlitinu í forrétt og svo var það pissa í aðalrétt.
Þegar líða tekur á máltíðina og maður er orðin þreyttur þá er líka mjög gott að hafa snuðið við hendina :)

Ég átti afmæli í gær, ég átti afmæli í gær :)

2006-04-10T14:15:00.000Z

Ég átti afmæli í gær, var einu ári eldri á pappírunum en ég held ég hafi nú frekar yngst barasta ;)

Dagurinn var nú frekar rólegur, hélt ekkert upp á það.

Kalli pabbi kíkti nú samt í heimsókn með blóm og páskaegg, það var óskaplega ljúft að sjá hann og fá fréttir af systkinunum.

Haraldur keypti handa mér Cintamani jakka, æðislega appelsínugulan og fallegann. Svo er stefnan að baka köku einhverntímann í páskafríinu.
Ég þakka kærlega fyrir allar kveðjurnar á afmælisdaginn, fullt af sms og símhringinum :)

Bestu kveðjur
Magnea.

Jæja þetta gengur ekki!!!

2006-04-10T13:40:00.000Z

Ég hef ekki gefið mér tíma fyrir framan tölvuna heillengi. Enn ætla að gera stutt yfirlit yfir það sem hefur á daga mína drifið.
Síðustu helgi sem sagt 31. mars fór ég í óvissuferð með vinnunni sem var mjög skemmtileg framan af en svo datt ég alveg úr stuði þegar hún Svava mín datt niður úr klifurveggnum og braut á sér hinn ökklann :( Frekar slæmt opið beinbrot og það var bara sjúkrabíll og læti. Þegar hún var farin var reynt að halda gleðinni áfram en fólki tókst það misvel. Við grilluðum samt og borðum en svo fór ég bara heim.
Morguninn eftir fór ég að skrappa með vinkonum mínum af skrapploftinu í salnum sem við leigjum. Það var sem sagt skrapphelgin mikla, ég var þar allan laugardaginn og bróðurpartinn af sunnudeginum og skemmti mér konunglega, gat ýtt öllum áhyggjum af Svövu til hliðar og notið þess að dunda við skrappið í góðum félagsskap :) Kláraði heilar 6 síður voða gaman.

Mánudagsmorgun kom áfallið yfir mig, þegar allir fóru að spyrja frétta í vinnunni og ég fór að hafa miklar áhyggjur af henni og reyna hugsa aðeins um hana. Og það tók eiginlega alla vikuna að jafna sig á þessu. Ég hafði aldrei áður verið á slysstað hvorki svona slys né bílslys, ég er svo græn í svona málum. Enn henni líður vel í dag, liggur í rúminu reyndar að mestu en er hress og kát, allaveganna þegar við Helga komum í heimsókn við erum nefnilega svo skemmtilegar ;)

Svo á laugardaginn var La Grand Buffet eitthvað, Hann Erpur í vinnunni hjá mér var með stórt matarboð heima sjá sér, allir tóku þátt í kostnaði enn hann sá um eldarmennskuna af sinni alkunnu snilld. Honum finnst voða gaman að elda góðan og "fancy" mat og bjóða upp á klassavín með. Sér vín með hverjum rétti og þeir voru nokkrir. Fyrst var boðið upp á Serrý í fordrykk sem mér fannst reyndar arfavont enn það voru aðrir sem voru tilbúnir að hjálpa mér að tæma úr glasinu ;) Svo voru það nautalundir í forrétt, sjávarréttapate, 4 tegundir af ostum með sérvöldum vínum með og síðan grillað lambalæri með dásamlegu meðlæti, hvítlaukskartöflumús og villisveppa risottó og einnig salat en maður var nú ekki að eyða magaplássi á eitthvað gras ;) að lokum var borið fram súkkulaðimús og pönnukökur með berjum og rommrúsínuís. UmmmmUmmm UMMMMMMM.

Hann kann svo sannarlega að elda mat. Haraldur kunni líka vel að meta þetta allt saman.

Börnin voru hjá tengdó og skemmtu sér líka vel, alltaf gaman að vera í dekrinu hjá ömmu :)

Svo smá frétt af Eyrúnu; hún sagði sína fyrstu tveggja orða setningu síðasta fimmtudag: Mamma lúlla :) :) :) Og benti á rúmið mitt þegar hún var að fara lúlla í sínu rúmi, mamma átti sem sagt að lúlla þarna meðan hún lúllar í sínu rúmi.

Bestu kveðjur
Magnea

Bestu kveðjur
Magnea

Allir orðnir hraustir.

2006-04-03T10:51:00.000Z

Börnin eru loksins orðin vel hraust aftur, Eyrún fór til dagm. á föstud og Elmar fór í skólann í morgun:)

Ég var að heiman alla helgina, fór í óvissuferð með vinnunni á föstudeginum og skemmti mér mjög vel. Snemma á laugardagsmorgun dröslaði ég öllu skrappdótinum út í bíl og fór að heiman yfir helgina, kom bara seint á laugardagskvöldi til að sofa og út aftur um morgunin og naut þess að sitja í góðum félagsskap og skrappa í rólegheitum með nóg pláss :

Bestu kveðjur
Magnea

Veikindi ofan á veikindi :(

2006-03-30T08:31:00.000Z

Hún Eyrún mín varð líka lasinn, á þriðjudagsmorgun rauk hún upp í 40° hita bara á leiðinni til dagmömmunnar, seinni partinn var hún orðin hress og hitalaus og við foreldrarnir skildum ekki neitt í neinu. Svo um kvöldið fór hún aftur að fá hita og var með 40+ um nóttina og við sofnuðum ekki fyrr en svona um 5:30 mjög skemmtilegt þegar vekjaraklukkan hringdi rétt fyrir átta. Þá ákvað ég að fara með hana til læknis og hún er með flensuna eins og Elmar, fékk bara aðra leið en Elmar, fékk fyrst kvef og síðan hita meðan Elmar fékk fyrst fullt af hita og er núna með leiðindar kvef. Ég vona að flensusprautan mín dugi gegn þessum fjanda og hraustleikinn hans Haraldar.

Börnin voru bæði hress í morgun og ég vona að það sé komið til að vera, nenni ekki meiri veikindaleiðindum. Það fóru allir að sofa milli 9 og 10 í gærkveldi og sváfu vært fyrir utan eitt trufl hjá Elmar, hann þurfti aðeins að koma og kúra hjá mömmu kl: 3:30 í nótt :/

Bestu kveðjur
Magnea

Elmar lasinn

2006-03-27T09:20:00.000Z

Elmar minn er búin að vera lasinn alla helgina, með hita og verki stóra, krúttið hennar mömmu sinnar. Helgin hefur því verið svolítið skrýtinn. Enn samt fórum við í veislu á laugardaginn, öll nema Elmar sem var heima með vin sinn hjá sér. Eyrún sagði bara NEI við alla sem reyndu að spjalla við hana og spyrja hvað hún heitir.
Í gær komu svo mamma og pabbi í heimsókn og fengu köku. Síðan kom Ingibjörg líka í heimsókn, gaman að sjá kúluna almennilega, hún slappaði bara af og borðaði með okkur og það var mikið spjallað um barneignir og börn því þetta fer nú að styttast hjá henni.
Oooo það verður svo gaman að fá að koma aftur við svona pínulítið barn :)

bestu kveðjur
Magnea

Skrapp, skrapp og aftur skrapp

2006-03-23T10:46:00.000Z

Ég skrapp til Maríu að skrappa í gær. Það er svo gaman að skrappa í góðum félagsskap. Ég kláraði síðuna sem ég byrjaði á í síðasta hittingi og hún er svo fín. Það passaði allt svo vel saman :)

Nú er bara undirbúa helgarskrappið ;)

Bestu kveðjur
Magnea

Myndir frá Lilju dagmömmu

2006-03-23T10:42:00.000Z

Ein af þessum fáu augnablikum sem Eyrún er kyrr, aðeins að slappa af :)
Já, passar það ekki best þarna?

Það er mjög gaman að sitja og púsla og lesa, þá getur maður verið kyrr bara nokkuð lengi, að vísu er betra að hafa ákveðna skoðun á hlutunum ;)

Bestu kveðjur
Magnea

Myndir frá Lilju dagm.

2006-03-23T10:39:00.000Z

Gaman að leika út.

Stuð í eldhúsinu!

2006-03-22T09:17:00.000Z

Ekkert smá gaman þegar maður er búin að borða kvöldmatinn og svefngalsinn byrjaður :)

Helena frænka

2006-03-22T09:08:00.000Z

Helena frænka alltaf glöð að hitta okkur,

eða kannski bara börnin mín ;)

Heimsókn hjá Eyrúnu ömmu.

2006-03-22T09:05:00.000Z

Í heimsókn hjá Eyrúnu ömmu fær maður alltaf eitthvað gott :)

Síðustu dagar.

2006-03-21T13:18:00.000Z

Það er erfitt að koma sér að tölvunni heima til að koma hingað inn myndum :( Alltaf þreytt á kvöldin eða þá bara upptekin við misskemmtilega hluti. Var á aðalfundi húsfélagsins í gær og ég losnaði úr stjórninni loksins :) :)
Ætti þá að hafa eins minna til að hafa áhyggjur af.
Um helgina var ég á flakki og tók meira segja myndavélina með svo ég gæti bloggað það enn þær eru enn inni í myndavélinni og koma bara síðar. Ég fór til mömmu á laugard svo Elmar og Eyrún fengju smá dekur. Erla frænka var líka í heimsókn, alltaf gaman að hitta hana :)

Á sunnudeginum fórum við Eyrún í heimsókn á Náttúrufræðistofu Kópavogs og bíbíarnir voru langskemmtilegastir og stóri útselurinn minnti hana á voffa en hún lærði að þetta er pabbaselur og þarna var líka litli selurinn og hann var voða sætur :) Fiskarnir voru líka áhugaverðir en komust ekki með sporðin þar sem fuglarnir eru með fjaðrirnar ;)

Það eru allir þokkalega hraustir þessa daganna :)
það til síðar
Bestu kveðjur
Magnea

Samskipti feðgana í morgun.

2006-03-17T14:06:00.000Z

Fyrirhugaðar umræður um kvöldmatinn féllu algerlega í skugga deilna um ýmis réttinda- og hagsmunamál. Elmar fann hrísmjólk í ísskápnum og vildi fá hana í nesti, með þeim rökum (ásamt stórum bláum augum og "æææjjjjiiii- gerðu það") að aðrir krakkar hefður fengið að hafa svoleiðis í nesti. Þverhausinn pabbi hans sendi hann hinsvegar með bara með jarðaberja ABT-mjólk í nesti. Þá tóku við samningaviðræður varðandi kvöldið og "þar eð það vætri nú föstudagur þá gæti ekki annað verið en hann mætti vaka lengur í kvöld" - eða annað kvöld. Aftur brást þverhausinn við eins og honum einum er lagið, en að lokum (þá úti á plani) urðu deiluaðilar ásáttir um að fresta fundi þar til eftir skóla/vinnu.

Dásamlegt veður

2006-03-17T08:46:00.000Z

Það er dásamlegt að koma út í svona veður, hlýtt, kyrrt og rakt :) Maður endurnærist á þessu. Ég vona að það verði svona veður yfir helgina. Eyrún er að ná fullri heilsu aftur, hóstinn alveg að fara hverfa.
Elmar kom heim með Einingu 5 í gær og henni er loksins lokið, hann stóð sig mjög vel í öllum könnunum úr henni og fékk 3 stjörnur af 3 fyrir hana og hann fær því að velja hvað verður í kvöldmatinn og lika eftirmatinn. Ég bíð spennt eftir að heyra hvað hann velur ;)

Þangað til síðar
Bestu kveðjur
Magnea

Elmar sjóræningi.

2006-03-16T20:11:00.000Z

Á öskudaginn breyttist Elmar í Sjóræningja og skemmti sér konunglega.

Eyrún á bolludaginn!

2006-03-16T19:58:00.000Z

Eyrúnu fannst bollurnar æðislegar!

Skrappkvöld

2006-03-15T09:12:00.000Z

Það var skrappkvöld í gær, mikið spjallað, mikið nammi borðað og smá skrappað. Þetta er gríðalega skemmtilegt og tíminn flýgur frá manni. Kom ekki heim fyrr en að verða eitt og er því nokkuð syfjuð í dag.
Litla var með einhverja magapest í gær og undi sér ekki nógu vel hjá dagmömmunni en var orðin hress þegar ég sótti hana og hún var bara kát alveg þangað til hún fór að sofa kl 19:30 :)
Elmar var líka hress, duglegur að læra heima, kláraði allan heimalærdóminn því það er karfa í dag og ekki gott að eiga eftir að læra þegar hún er búin.

Ég er enn að móta þessa síðu og hvað ég skrifa, er nú mest að þessu til að hafa fyrir mig, svona nokkurs konar dagbók. Svo bæti ég inn myndum vonandi í kvöld, var ekki heima í gærkvöldi því komu ekki inn myndir þá.

Enn þangað til seinna
Bestu kveðjur
Magnea

2006-03-14T15:27:00.000Z

Nærmynd af Elmari :)

2006-03-14T15:04:00.000Z

Elmar og félagar í góðum gír á körfuboltamóti í Keflavík. Þeir eru að fagna körfu og þetta lýsir nokkuð vel stemmingunni :)

Magnea komin á netið !

2006-03-14T14:52:00.000Z

Hæ hæ elskurnar nú er ég búin að koma upp þessari síðu. Megin tilgangurinn er að koma þar inn myndum af börnunum og okkar daglega lífi.